OKUPACIÓN ESCORNABÓTICA: AYLÉN Y LAS FLORES

Okupación Escornabótica: Alejandra

 Alejandra disfrutou na casa en familia e elaborou unha plantilla onde podemos coñecer todas as especies de esquío 

 

Xogamos coas nosas fotos e as nosas letras

Coñecemos ao Escornabot

 Rematamos a semana cun novo amigo na aula:

 o noso robot o ESCORNABOT.

Estamos a aprender como son os seus movementos e a darlle as ordes para chegar ata as imaxes dos amigos da aula.

ESCORNABOTS SOFIA, CLAUDIA E RAI

BO DÍA ! 

Hoxe trouxo Rai o Escornabot, cunha plantilla moi interesante sobre os animais máis típicos de Exipto: o cocodrilo, o falcón, o burro, a serpe,... aproveitamos para xogar con él antes de baixar o patio, e aprender sobre a fauna exipcia. 

A seguinte plantilla que podedes ver é a de Claudia, que fai unhas semanas deleitounos con vivendas de diferentes lugares, traballando así diferentes culturas en base a súa arquitectura, e tamén a lóxica-matemática cas súas instruccións. 

E por último, quérovos ensinar a  plantilla de Sofía, na cal traballaron as bandeiras de diferentes países do mundo con tarxetas identificativas, o pasamos de medo xogando e esquivando os tornados co escornabot !

Moitas grazas pola imaxinación e dedicación familias !

EXPERTOS EN ROBÓTICA

Esta semana, na sesión adicada ás TIC, realizamos unha clase conxunta cos nenos e nenas da aula rosa para explicarlles o funcionamento de dous robots dos que temos na escola: o escornabot e o botley.

Como xa somos os maiores do cole e estamos feitos uns expertos e expertas nisto da robótica fixemos unha magnífica exposición das características máis importantes destes dous robots que tanto nos gustan.

Moitísimas grazas aos pequenos/as pola súa atención. Foi un placer!

OKUPACIÓN ESCORNABÓTICA: AKRAM

Aquí temos a Akram coa plantilla realizada coa súa familia na que aparecen diferentes plantas e flores.

Moitas grazas polo voso traballo, familia!

THE VERY HUNGRY CATERPILLAR

CÓNTANOS KATRINA QUE, CONTINUANDO CO PROXECTO EUROPEO E-TWINNING "SPRING INTO SPRING", NAS ÚLTIMAS SEMANAS OS NENOS E NENAS TRABALLARON CO CONTO "THE VERY HUNGRY CATERPILLAR" A TRAVÉS DO CAL PUIDERON APRENDER COMO É O PROCESO DE METAMORFOSE DUNHA BOLBORETA E VOCABULARIO RELACIONADO CON ESTE E COS ALIMENTOS.

OS NENOS E NENAS TIVERON A SORTE DE COIDAR DÍA A DÍA OS SEUS PROPIOS VERMES DE SEDA, LIMPANDO AS SÚAS CAIXAS E DÁNDOLLES DE COMER, ASISTINDO ASÍ EN PRIMEIRA PERSOA AO SEU PROCESO DE METAMORFOSE.

COMA SEMPRE, A MANIPULACIÓN, O XOGO, A MÚSICA E A LEDICIA, IMPREGNARON AS SESIÓNS DE INGLÉS.

 
ABRACADABRA, ABRACADI,
MAGIC FOR YOU, MAGIC FOR ME!!!

OKUPACIÓN ESCORNABÓTICA: CHLÖE

Chlöe levou a mochila escornabótica para casa e desfrutou moito xogando coas plantillas do proxecto. 

Ademais, coa axuda da súa familia, elaborou outra plantilla coa cal estivemos xogando na aula.

Moitas grazas pola vosa colaboración.

SPRING INTO SPRING

COMO XA ADIANTÁRAMOS, CÓNTANOS KATRINA QUE OS NENOS E NENAS LEVAN O QUE VAI DE PRIMAVERA INMERSOS NO PROXECTO E-TWINNING "SPRING INTO SPRING".

CON ESTE, ESTÁN A APRENDER VOCABULARIO E ASPECTOS CULTURAIS RELACIONADOS COA PRIMAVERA E A PASCUA E COMPARTINDO EXPERIENCIAS CON NENOS E NENAS DE PAÍSES COMO ITALIA E POLONIA.

AS HISTORIAS "I AM A BUNNY" E "PETE THE CAT. BIG EASTER ADVENTURE" CONTEXTUALIZARON ESTAS ÚLTIMAS SEMANAS AS SESIÓNS DE INGLÉS.

 (Clica nas portadas para escoitalos)

  

ADEMAIS DA LECTURA E DRAMATIZACIÓN DESTES CONTOS, OUTRAS ACTIVIDADES REALIZADAS FORON:

CREACIÓN DE PLANTILLAS E XOGO CO ESCORNABOT

ELABORACIÓN DE MURAIS COMO PRETEXTO PARA A PRÁCTICA DO VOCABULARIO

CREACIÓN DE BOLBORETAS A PARTIR DE FILTROS DE CAFÉ E TINTA RECICLADA

MODELADO E DECORACIÓN DE OVOS DE PASCUA

ELABORACIÓN DE POSTAIS E OVOS 3D COMO AGASALLO AO ALUMNADO DE POLONIA

BUSCA DE OVOS NO PATIO DA ESCOLA ORGANIZADA POLO MISMÍSIMO EASTER BUNNY

ADEMAIS DISTO, CANDO VISITAMOS A CASA DAS CIENCIAS PUIDEMOS ASISTIR AO NACEMENTO DE PITIÑOS REAIS

E ESE MESMO DÍA, AO CHEGARMOS Á ESCOLA, AGARDÁBANOS OUTRA SORPRESA, RECIBIMOS UNHA POSTAL DA ESCOLA POLACA FELICITÁNDONOS A PASCUA!

O TRABALLO CONTINUARÁ NAS VINDEIRAS SEMANAS NESTA MESMA LIÑA.

A MAXIA TAMÉN CONTINÚA, SEGUIREMOS INFORMANDO!

ABRACADABRA, ABRACADI,

MAGIC FOR YOU, MAGIC FOR ME!!!

VIAXE POLOS MONTES GALEGOS

Na hora semanal adicada a TICS, estivemos realizando a nosa particular viaxe polos montes galegos traballados. Para iso, empregamos o mapa físico de Galicia, o escornabot, unha plantilla xigante con coordenadas e dous dados (un con letras e outro con números).

A continuación, a profe Mayte explicounos a forma de xogar: por parellas, unha nena/o tira o dado das letras e a outra nena/o tira o dos números e teñen que colocarse na plantilla de coordenadas na letra e número indicados. Cando se xuntan, observamos no mapa onde nos atopamos, que monte dos que coñecemos nos queda máis preto e localizamos a provincia na que estamos.

OKUPACIÓN ESCORNABÓTICA: VALERIA PASCUAL

Valeria elaborou coa axuda da súa familia unha plantilla de animais dos montes galegos. Para poder xogar temos que empregar unhas tarxetas nas que están escritos os nomes dos distintos animais, levantamos unha tarxeta e buscamos na plantilla a mesma palabra. Ademais temos que ter coidado de non pasar polas casillas prohibidas.

Moitísimas grazas familia!

GO AWAY BIG GREEN MONSTER

CÓNTANOS KATRINA QUE NAS ÚLTIMAS SEMANAS, AS SESIÓNS DE INGLÉS ESTIVERON ENMARCADAS POLO CONTO "GO AWAY BIG GREEN MONSTER" GRAZAS AO CAL PUIDERON TRABALLAR AS PARTES DA CARA E A CABEZA, ADEMAIS DE REPASAR AS CORES.

 

ALGUNHAS DAS ACTIVIDADES QUE FIXERON FORON: DAR E SEGUIR DIRECTRICES PARA CREAR UN MONSTRO A PARTIR DE PARTES DA CARA DE DIFERENTES CORES, XOGOS CO ESCORNABOT, XOGOS DE MÍMICA, O XOGO DO VEXO VEXO EN INGLÉS (I SPY), ESCOITA DE CANCIÓNS E DITADO DE CORES.

DURANTE AS VINDEIRAS SEMANAS, COINCIDINDO COA CHEGADA DA PRIMAVERA E A PROXIMIDADE DA CELEBRACIÓN "EASTER", ESTAREMOS INMERS@S NO PROXECTO E-TWINNING "SPRING INTO SPRING".

NESTE, KATRINA E @S NEN@S, TRABALLARÁN MAN A MAN A TRAVÉS DA PLATAFORMA E-TWINNING CON ALUMNADO DOUTROS PAÍSES EUROPEOS COMO ITALIA, ROMANÍA E POLONIA, CO OBXECTIVO DE APRENDEREN XUNTOS VOCABULARIO E ASPECTOS CULTURAIS RELACIONADOS COA PRIMAVERA E CON ESTA CELEBRACIÓN.

A PASADA SEMANA LEVOUSE A CABO UNHA ACTIVIDADE ENMARCADA NESTE PROGRAMA NA QUE @S NEN@S CREARON COMEDEIROS PARA PAXAROS EMPREGANDO MATERIAIS DE REFUGALLO.


Making bird feeders from biblio BN on Vimeo.

ESTA SEMANA, KATRINA E @S NENOS E NENAS CREARON UN VÍDEO NO QUE SE PRESENTABAN E PRESENTABAN A ESCOLA AOS COMPAÑEIROS/AS DOS OUTROS PAÍSES.



Getting to know Barrionovo from biblio BN on Vimeo.


NON PERDADES DETALLE QUE AXIÑA VOS CONTAREMOS MÁIS.

ABRACADABRA, ABRACADI,

MAGIC FOR YOU, MAGIC FOR ME!!

OKUPACIÓN ESCORNABÓTICA: JANAT

O escornabot continúa o seu percorrido polas casas dos nenos e nenas da aula azul e, nesta ocasión, tocoulle a Janat ser a afortunada.

Pasou uns días moi divertidos xogando coa súa familia coas plantillas da mochila relacionadas co proxecto #somosdemonte e, ademais, elaborou un xogo novo con pegatinas de animais.

Moitas grazas familia!

DEAR ZOO

CÓNTANOS KATRINA QUE NAS ÚLTIMAS SEMANAS, DEAR ZOO FOI O CONTO QUE CONTEXTUALIZOU AS SESIÓNS DE INGLÉS.

(CLICA AQUÍ PARA VER E ESCOITAR O CONTO).

ALGUNHAS DAS ACTIVIDADES QUE FIXERON FORON: XOGAR A ADIVIÑAR O ANIMAL A TRAVÉS DE MÍMICA, ADIVIÑAR O NOME DO ANIMAL A TRAVÉS DA IMAXE, XOGOS DE CARTAS (ELABORACIÓN DAS MESMAS, ATOPAR A PARELLA, RAPIDEZ), E XOGO CO ESCORNABOT.

ADEMAIS, APRENDERON UN DIVERTIDÍSIMO XOGO DE RODA, I SENT A LETTER TO MY LOVE.

ABRACADABRA, ABRACADI,

MAGIC FOR YOU, MAGIC FOR ME!!!

OKUPACIÓN ESCORNABÓTICA: RAI

Esta semana chegou o escornabot de volta da casa de Rai cunha plantilla moi interesante. O xogo consiste en sacar unha tarxeta e relacionala coa profesión de monte correspondente, por exemplo: a vaca co gandeiro, as abellas co apicultor, a mangueira co bombeiro forestal... Ademais, temos dúas casillas perigosas polas que debemos evitar pasar: a do incendio e a da contaminación. Pasámolo xenial xogando con ela.

Moitísimas grazas polo voso traballo, familia!