FESTIVAL FIN DE CURSO

A volta a Galicia chegou ao seu fin e o pasado xoves demos por rematado o curso co festival.

Os nenos e nenas da aula azul interpretamos a canción "Fun ao mercado"

E, despois, presentamos o traballo realizado ao longo do curso en relación cos persoeiros galegos e as novas tecnoloxías.

Coa profe Carolina interpretamos en inglés o conto "Pete, the cat".

E, para finalizar, aquí tedes o croma no que participastes as familias.

Moitas grazas a tod@s!

Que pasedes un bo verán, disfrutade das vacacións. Vémonos en setembro!

PORTADAS DOS TRABALLOS

A semana pasada estivemos moi atarefados preparando as cousiñas para levar todos os traballos realizados ao longo do curso á casa.
Para elaborar as portadas, empregamos unha técnica moi especial: 

Botamos unhas gotiñas de témpera de cores sobre unha cartulina branca e extendemos a pintura cun limpacristais.

Sobre un papel usado, facemos o debuxo do noso esquema corporal e, por último, escribimos o noso nome nunha etiqueta e pegamos todo sobre a cartulina.
Así nos quedaron, agardamos que vos gustaran todos os traballos que os peques levaron para casa.

OS NOSOS LUGARES FAVORITOS DE GALICIA (3º TRIMESTRE)

Aquí van os vídeos que faltaban dos lugares favoritos de Galicia dos nenos e nenas da aula azul.

Moitas grazas ás familias pola vosa colaboración.

VISITA AO MUSEO ARQUEOLÓXICO

CLASIFICANDO POR CORES

A mesa de luz está dando moito xogo. 

O martes, no taller de mates, aproveitamos para traballar as cores dun xeito moi divertido.

Na mesa de luz colocamos uns recipientes de distintas cores e, a continuación, tiñamos que meter dentro de cada un as pezas da cor correspondente.

C(R)OMA GALEG@S V: MARUJA MALLO

ENCONTROS CO PDB

Nesta semana realizamos 3 encontros co CEIP Ponte dos Brozos.

O luns fomos de visita e recibíronnos con moito entusiasmo e dedicación. Alí puidemos coñecer un xogo de robots para o Ipad e fabricamos un aerodeslizador con materiais de refugallo.

O martes e o mércores os anfitrións fomos nós. Na nosa escola, explicámoslles as plantillas para o escornabot que realizamos coas familias en relación co proxecto deste curso, o manexo do Bluebot desde o Ipad, as carautas deseñadas por nós e impresas na impresora 3D...

                     

Aprendemos moitas cousas e pasámolo xenial! 

Moitas grazas aos nosos amigos/as do PdB e ás súas mestras.

TALLER DE MATES: ANIVERSARIOS

No taller de mates seguimos a traballar cos números inspirándonos no conto "Crecer" e, nesta ocasión, tocoulle a uns números moi especiais e significativos para nós: os das nosas datas de nacemento.

 

Primeiro, fomos colocando as nosas fotos e rodeando o día do noso aniversario no mes correspondente.

Tamén descubrimos que cada mes se corresponde cun número: xaneiro é o mes número 1, febreiro o 2 e así sucesivamente ata decembro. E estes números empregámolos para escribir a data curta na nosa táboa de rexistro.

"LA CORTA HISTORIA DE UNA GOTA"

O luns disfrutamos coa fermosa historia de "La corta historia de una gota" de Beatrice Alemagna, a cal nos serviu para crear a nosa propia composición.

Inspirándonos nas ilustraciones do conto, fixemos as nosas propias obras de arte mesturando círculos de distintas cores e texturas e debuxando círculos coas ceras Manley.

Aquí tedes unha mostra.

FEIRÓN DA NOSA LINGUA: FECHO