EXCURSIÓN MONTE DE SAN PEDRO

Clicando na imaxe podedes acceder a todo o contido relacionado coa saída de fin de curso ao Monte de San Pedro.

Que pasedes un bo verán! Vémonos en setembro! 

EXPO FINAL E ENCONTXO ESPECIAL

Clicando na imaxe podedes acceder a toda a información sobre a Expo #somosdemonte. Moitas grazas a tod@s por acompañarnos.

E, para rematar este día tan especial, contamos cunha visita moi esperada. A profe María José volveu ao cole para agasallarnos con tres lecturas moi divertidas. 

Que alegría volver a disfrutar da túa presenza na biblioBN!

EXPO #SOMOSDEMONTE

O xoves 20, ás 10 da mañá, terá lugar a expo #somosdemonte no espazo fedelleiro.

Aos/as que veñades, estaremos encantados/as de explicarvos todo o que aprendemos ao longo deste curso en relación cos montes.

Hoxe estivemos realizando a pegada dos carteis que elaboramos na aula azul para promocionar o evento.

Tamén levamos para casa a invitación feita polos nenos/as da aula rosa.

E o trailer elaborado pola aula laranxa.

Agardámosvos o xoves!

FESTIVAL FIN DE CURSO

Clicando na seguinte imaxe poderedes acceder a todos os vídeos e imaxes do festival de onte.

LONDON PROJECT: THE QUEEN'S HAT

REMATA O CURSO E MS. KATRINA NON SE QUERÍA DESPEDIR SEN ACHEGAR AOS NENOS E NENAS Á XEOGRAFÍA E CULTURA BRITÁNICAS.

DURANTE AS PASADAS SEMANAS, NAS CLASES DE INGLÉS ESTIVERON A VIAXAR AXUDADOS POLA ESTRUTURA DO CONTO "THE QUEEN'S HAT".

A TRAVÉS DESTE, APRENDERON MULTITUDE DE ASPECTOS SOBRE A REALEZA BRITÁNICA: QUEN É A RAIÑA, OS SEU CANS, A GARDA REAL, A FAMILIA DA RAIÑA E OS PALACIOS NOS QUE VIVEN.

ADEMAIS, GRAZAS AO GOOGLE MAPS, GOOGLE EARTH, AO CROMA E AO VÍDEO, PUIDERON VIAXAR DENDE PASTORIZA ATA LONDRES, OBSERVANDO A DISTANCIA QUE HAI ENTRE AMBOS LUGARES, O TERRITORIO BRITÁNICO, TRANSITANDO AS RÚAS E VISITANDO OS LUGARES MÁIS DESTACADOS DE LONDRES:

EN TRAFALGAR SQUARE OBSERVARON A ESTATUA DO ALMIRANTE NELSON E ADMIRARON OS CATRO LEÓNS QUE A GARDAN. APRENDERON SOBRE A BATALLA DE TRAFALGAR E SOBRE A CONTROVERSIA QUE HOUBO NO PASADO POR MOR DAS POMBAS QUE ATEIGABAN ESTA PRAZA.

EN LONDON ZOO PUIDERON OBSERVAR IN SITU TODOS OS ANIMAIS E RECORDAR O VOCABULARIO TRABALLADO AO LONGO DO CURSO.

PUIDERON BAIXAR ÁS PROFUNDIDADES DO METRO DE LONDRES, OBSERVAR O SEU FUNCIONAMENTO E ASPECTOS IMPORTANTES A TER EN CONTA TALES COMO AS SINAIS VISUAIS E ACÚSTICAS, DIRECCIÓNS, TICKETS E OUTROS MEDIOS DE TRANSPORTE QUE PODEMOS PRECISAR NA CIDADE.

SUBIRON AO LONDON EYE E OBSERVARON O TOWER BRIDGE EN FUNCIONAMENTO. XOGARON TAMÉN AO MÍTICO XOGO "LONGON BRIDGE IS FALLING DOWN".

POR ÚLTIMO ESCUDRIÑARON AS ENTRAÑAS DO EMBLEMÁTICO BIG BEN.

KATRINA DESÉXAVOS UNHAS VACACIÓNS AO ESTILO KATRINA, ISTO É CHEAS DE MAXIA, DIVERSIÓN, AMOR E FELICIDADE!

ABRACADABRA, ABRACADI,
MAGIC FOR YOU, MAGIC FOR ME!!!

FAMILIAS POR UN TUBER: DANIELA E VALERIA

Aí vai a última recomendación lectora do curso. Moitas grazas Daniela, Valeria e Montse pola vosa participación.

Moitísimas grazas a todas as familias que colaborastes!

FAMILIAS POR UN TUBER: SOFÍA

Outra recomendación lectora máis, esta vez da man de Sofi e da súa nai. Moitas grazas ás dúas!

MONTES CON HISTORIA: RAI (MONTICAÑO)

Así de ben explicou Rai o investigado coa súa familia en relación co Monticaño.

FAMILIAS POR UN TUBER: ERIK

Aquí vos deixamos a recomendación de Erik e do seu papá.

DÍA MUNDIAL DO MEDIO AMBIENTE

Onte, para celebrar o Día Mundial do Medio Ambiente, contamos coa visita de Anxo Moure, un firme defensor da natureza. Pasámolo fenomenal escoitando as súas historias e participando coas súas cantigas e bailes.

E, como colofón a este día tan especial, recibimos unha importantísima noticia da man de Voz Natura: a nosa escola resultou gañadora do premio ao mellor proxecto infantil de Galicia.

Que orgullos@s estamos!!

Clicando na foto podedes acceder á noticia da edición dixital de "La Voz de Galicia".

POESÍAS DIVERSAS: CHAMBRA DE CHOIVA

Este martes, a Poesía Express correu a cargo da profe Aida quen nos recitou un poema de Antonio García Teijeiro dun xeito moi especial.

Xa na aula, pasamos a realizar as nosas propias producións artísticas empregando os fentos dos que nos falaba o poema e outros elementos naturais como as piñas. Con eles cada neno/a creou o seu universo particular: persoas, labirintos, corazóns, nomes...

AS FAMILIAS CONTAN EN GALEGO: ISA (NAI DE ERIK)

Hoxe, na biblioBN, recibimos a Isa quen nos contou a fermosa historia de "O monstro de cores" da editorial Flamboyant.

Moitas grazas por acompañarnos e adicarnos un ratiño do teu tempo.

II ENCONTRO DE ROBÓTICA CO PdB

O xoves e venres da semana pasada, recibimos na nosa escola aos nenos e nenas do Ponte dos Brozos no II Encontro de Robótica Arteixá.

Clicando na imaxe podedes acceder a toda a información.

E este luns, fomos nós os que visitamos o seu centro para deixarnos sorprender con diferentes experimentos.
Premede na imaxe para saber máis.

Moitísimas grazas aos nenos e nenas do Ponte dos Brozos e as súas mestras/es. Foi unha experiencia moi enriquecedora!

OKUPACIÓN ESCORNABÓTICA: AKRAM

Aquí temos a Akram coa plantilla realizada coa súa familia na que aparecen diferentes plantas e flores.

Moitas grazas polo voso traballo, familia!