RECEITA TERRORÍFICA

O luns comezamos a semana facendo unha riquísima receita de Samaín.

No espazo fedelleiro dispuxemos de todos os elementos necesarios para a elaboración das "salchichas momia". Primeiro, anotamos os ingredientes na pizarra porta e, despois, puxémonos mans á obra.

Este foi o resultado! Clicade na imaxe para ver todo o proceso.

OFICIOS ARTESANAIS

Hoxe foi Janat a que nos trouxo información sobre un novo oficio artesanal. Neste caso, a artesana é a súa nai, Rabha, quen emprega a cerámica para facer diferentes figuras.

Como mostra Janat ensinounos unha flor, concretamente unha rosa, feita pola súa nai coa axuda de Janat e do seu irmán Saad.
Moitas grazas familia!

DÍA DA BIBLIOTECA

Hoxe, en Barrionovo, celebramos o día da Biblioteca con diversas actividades.

Se queredes saber máis, premede na seguinte imaxe.

UNHA SEMANA MOI MOVIDA

Esta semana deunos tempo a facer un montón de cousas:

-Xogamos co noso Beebot a un xogo moi divertido no que tiñamos que atopar a nosa foto e o noso nome e, a continuación, programar o robot para levalo ata a casilla correspondente.

-Levamos para casa o polbo con cachelos que fixemos en arte con María José.

-Falamos sobre un froito do outono moi típico en Galicia, como son as castañas, grazas a aportación que nos fixeron Daniela e Valeria.

-E fixemos a nosa aportación ao mural das escaleiras engadindo a Eduardo Pondal (autor do poema "Os Pinos" do cal se extrae o himno galego) e a Pascual Veiga (músico encargado de facer a melodía de dito himno).

A NOSA PRIMEIRA EXCURSIÓN

Onte visitamos unha exposición moi interesante en Afundación titulada "A arte no cómic". 

Pasámolo xenial, aprendemos un montón de cousas novas e portámonos moi ben. Non se pode pedir máis!

Se queredes saber máis desta saída, premede na imaxe para acceder ao vídeo cos nosos mellores momentos.

ANIVERSARIO DE JANAT

Seguimos cos aniversarios do mes de Outubro!
Hoxe tocoulle a Janat celebrar o seu cumple. Estaba encantada coa súa coroa e a súa tarta de 3 anos. Ademais, tamén nos agasallou cun postre en forma de flor que estaba riquísimo.
Parabéns Janat!

CONCURSO DE FOTOGRAFÍA OFICIOS ARTESANAIS

Hoxe Erik trouxo a fotografía que fixo para participar no concurso proposto fai unhas semanas co gallo da romaría de San Miguel.

O oficio elixido por Erik foi o do oleiro e, na clase, explicounos como traballan os oleiros co barro e a cantidade de cousas chulísimas e moi útiles que se poden facer con este material.

Grazas á familia de Erik por participar! Dentro duns días recibiredes o voso agasallo.

O ESCORNABOT: PARTE I

Estes días estivemos moi atarefados coñecendo as distintas pezas das que se conforma o escornabot. A profe Aida, no espazo fedelleiro, estivo ensinándonos as rodas recen impresas na impresora 3D e, a continuación, tivemos que ir escollendo nós as pezas necesarias da caixa de repostos para o escornabot.

Nos próximos días seguiremos coñecendo máis cousiñas sobre este robot e remataremos por montalo.

Recordade que cando estea listo, o escornabot irá pasando polas casas de todos os nenos e nenas para que poidades coñecelo e xogar con el.

PRÉSTAMO SEMANAL

O venres marchamos moi contentos para casa coas nosas mochilas vermellas do préstamo semanal. Cada neno/a escolleu o conto que quería levar e pegou a portada na libreta. Agora na casa só vos queda desfrutar coa lectura dos contos e completar a libretiña co debuxo e o título do conto e marcar se vos gustou ou non.

Recordade que para poder levar outro conto a semana que vén, tedes que traelo de volta antes do martes.

A BIBLIOBN XA ESTÁ EN TWITTER

E para celebrar este acontecemento e animarvos a seguirnos fixemos este vídeo.


O NOSO TWITTER from biblio BN on Vimeo.

Premede na imaxe se queredes acceder ao noso Twitter

ANIVERSARIO DE SOFÍA

Hoxe no barrio azul celebramos o cumple de Sofía, que xa entrou no clube dos 3 aniños. Degustamos uns biscoitos con forma de osiños feitos por Sofi e pola súa mami que estaban riquísimos.

Parabéns Sofía!

ENTREGA DE CARNÉS

Desde hoxe xa somos novos usuarios da BiblioBN!

Os nenos e nenas da aula rosa (5 anos) fixéronnos entrega dos nosos carnés de usuario para poder levar libros para casa e dun manual coas normas de uso.

Recordade que o horario da biblioteca para acudir en familia é os martes de 16 a 17 horas.

POESÍA EXPRESS E ENCONTXO CON ÁNGELES ALVARIÑO

Hoxe tivemos una mañá moi interesante, como todos os martes subimos á biblioteca para escoitar a poesía da semana, neste caso adicada a nosa lingua. A profe Aida recitounos o poema de Manuel María acompañado dun vídeo chulísimo que podedes ver se clicades na seguinte imaxe.

E, a continuación, aproveitamos para coñecer un pouquiño mellor a Ángeles Alvariño, personaxe relevante no noso calendario deste mes de Outubro, a cal foi a primeira bióloga mariña e oceanógrafa galega.

Premede na imaxe se queredes saber máis acerca deste EncontXo.

REUNIÓN TITORIAL

Lembrade que mañá ás 16:30 temos unha reunión de grupo na aula para valorar o desenvolvemento do período de adaptación e explicar aspectos relevantes da nosa forma de traballo na aula.
Agardámosvos!!