CROMA: MANUEL COLMEIRO

Continuamos a ser máis bos que o pan grazas a temática dos cadros de Manuel Colmeiro que aparecen no catálogo do Museo de Belas Artes.

           

SEXAMOS MÁIS BOS QUE O PAN

Hoxe, no espazo fedelleiro, contamos cunha visita para celebrar o Día da Paz dun xeito moi especial. Juan, o pai de Laura (aula laranxa) ,veunos explicar o seu traballo como panadeiro e, para iso, amosounos o proceso para facer a masa e convertela nos boliños de pan que hoxe levamos para casa.

Moitas grazas Juan!

Clicando na imaxe podedes ver todo o proceso.

ENCONTRO: REDEIRAS

Onte, na BiblioBN, recibimos unha visita moi especial: Rosa e María Jesús, dúas redeiras de Corme, que nos viñeron a explicar as artes do seu oficio tradicional. Grazas a elas coñecemos distintos tipos de redes, as agullas que se empregan para facelas ou para arranxalas, xogamos a ser mariñeir@s e redeir@s...

Clicando na imaxe podedes ampliar esta información.

XOGANDO NO INVERNO

Para coñecer máis cousas sobre a estación do ano na que nos atopamos, a semana pasada estivemos xogando na nosa pizarra dixital a un xogo moi entretido. Nel fixemos quebracabezas, atopamos parellas, construimos palabras... todo relacionado co inverno. Serviunos para aprender e, ao mesmo tempo, pasar un rato moi divertido. 

Clicando na imaxe podedes acceder a páxina, por se queredes practicar na casa. 

                                

SEGUIMOS COA GRAFO CREATIVA

No noso taller de grafomotricidade creativa, continuamos traballando os trazos rectos, neste caso as liñas horizontais. Baseando o noso traballo no marabilloso libro de Hervé Tullet "Batallas de colores" fixemos as nosas propias creacións.

ANIVERSARIO DE GAD

Hoxe celebramos o primeiro aniversario do 2018. Gad, que é o maior da clase, xa ten 4 aniños.

Parabéns!

PEQUENOS CASTELAOS

O venres inauguramos unha nova actividade titulada "C(r)oma galeg@s" coa que nos imos caracterizar de persoeiros ilustres galegos. Comezamos coa figura de Castelao que é o protagonista do calendario deste mes de xaneiro.

Mirade que elegantes estamos! 

  

RECURSOS PARA O ENTROIDO

Clicando na seguinte imaxe podedes acceder a un repositorio de información de interese para a elaboración dos disfraces do entroido.

COMEZAMOS O ANO CON SORPRESAS

Non puidemos comezar o ano de mellor maneira. O luns, cando chegamos a clase, descubrimos que a nosa mascota, Truco, nos deixara unha caixa de regalo. Ao abrila, comprobamos que era un xogo de xeados chulísimo que nos vai a vir xenial para traballar a lóxica matemática.
Unha vez que rematamos as rutinas, puxémonos mans a obra para aprender a xogar. O xogo consiste en lanzar un dado e contar os puntiños que nos saíron e, unha vez feito isto, atopar o cucurucho de xeado que contén ese número. A continuación, debemos colocar enriba do cucurucho tantas bolas como indica o número.
Gustounos moito e xa o temos colocado na nosa estantería cos demais xogos de mesa para poder utilizalo cando queiramos. Moitas grazas Truco! 

OS NOSOS LUGARES FAVORITOS DE GALICIA

Aquí van os primeiros vídeos dos nenos e nenas que levaron o sobre amarelo para elixir en familia o seu lugar favorito de Galicia. A volta das vacacións, o sobre continuará viaxando polas casas que faltan.