FESTIVAL DE NADAL

Clicando na seguinte imaxe poderedes acceder a todos os vídeos das actuacións do festival de Nadal.

Que pasedes unhas felices festas! Vémonos á volta!

THE GINGERBREAD MAN

DURANTE ESTAS ÚLTIMAS SEMANAS, NAS CLASES DE INGLÉS, KATRINA E OS NENOS E NENAS, ESTIVERON A TRABALLAR CUN LIBRO CHAMADO THE GINGERBREAD MAN, UNHA FÁBULA INGLESA TRADICIONALMENTE RELACIONADA COA FESTIVIDADE DO NADAL.

ADEMAIS DE LER O CONTO, VER O VÍDEO E ESCOITAR A CANCIÓN DE THE GINGERBREAD MAN, OS NENOS E NENAS APRENDERON VOCABULARIO XOGANDO CO ESCORNABOT, CUNHA NOVA PLANTILLA RELACIONADA CON ESTA HISTORIA.

POSTERIORMENTE, REALIZARON UNHA MANUALIDADE NA QUE TIÑAN QUE SELECCIONAR OS INGREDIENTES DA RECEITA E DECORAR O GINGERBREAD MAN.

POR ÚLTIMO, COMO COLOFÓN DESTA UNIDADE E SORPRESA DE NADAL, COCIÑARON NO FEDELLEIRO UNHAS DELICIOSAS GALLETAS DE XENXIBRE. OS MOLDES EMPREGADOS FABRICÁRONSE ESPECÍFICAMENTE PARA A OCASIÓN COA NOSA IMPRESORA 3D. OS DESEÑOS FORON TIRADOS DA PÁXINA THINGIVERSE.

A CADA ALUMNA E ALUMNO AGASALLÓUSELLE UN MOLDE REALIZADO NA IMPRESORA 3D QUE XUNTO COA RECEITA, LEVARON PARA CASA PARA QUE POIDADES VOLVER COCIÑAR OS GINGERBREAD MEN DE NOVO.

Untitled from biblio BN on Vimeo.

ABRACADABRA, ABRACADI, 

MAGIC FOR YOU AND MAGIC FOR ME!!

O PETO

Xa rematamos a investigación sobre o peto e, do mesmo xeito que co raposo, elaboramos dous murais.

-Un con toda a información relevante deste animal

-E outro coa súa silueta

OKUPACIÓN ESCORNABÓTICA: SOFÍA

O escornabot pasou uns días na casa de Sofía e volveu ao barrio azul cun precioso xogo que elaborou coa axuda da súa nai.

O xogo titúlase "Devolve o peixe ao seu río" e consiste en pescar un peixe dos que se atopan dentro da caixiña e mirar que número ten, a continuación, buscamos na plantilla o río que ten ese número e levamos ao escornabot ata a casilla correspondente.

É un xogo divertidisímo e moi orixinal co que imos coñecendo ríos que pasan polos nosos montes.

Moitísimas grazas polo voso traballo!

GRAFOMOTRICIDADE CREATIVA

A semana pasada estivemos traballando a grafomotricidade cunha actividade que consistía en pegar tiras de cinta de carrocero nun folio A3 e, a continuación, nos ocos que quedan libres facer diferentes trazos (liñas horizontais, verticais, equis, formas xeométricas...)

Deste xeito, melloramos a nosa motricidade fina e desenvolvemos a creatividade.

ÁRBORES: JANAT Y GAD

Seguimos aprendendo cousas novas das árbores grazas a Gad e Janat. Neste caso, falamos do olivo e do castiñeiro.

Moitas grazas polo voso traballo familias!

OBRADOIRO DE NADAL

Coa chegada do mes de decembro comezan os preparativos e a decoración navideña na nosa escola. Por iso, o mércores tiñamos unha sorpresa agardándonos no espazo fedelleiro: unha instalación con luces de cores e unhas mesas preparadas con todo tipo de materiais para crear (botóns, chapas, pompóns, cartóns, limpapipas, témperas...).

Antes de elaborar os nosos adornos, empezamos por observar e reflexionar para que poderían servir todas esas cousas e, despois de dar diferentes ideas, chegamos á conclusión de que con elas podíamos crear adornos para a árbore que vai estar situada na entrada.

Este obradoiro seguirá funcionando durante estas semanas para que tod@s vaiamos facendo as nosas propias creacións.

OKUPACIÓN ESCORNABÓTICA: CLAUDIA

O escornabot pasou uns días na casa de Claudia e volveu ao cole cunha plantilla nova coa que estivemos xogando e aprendendo a identificar follas de diferentes árbores. 

O xogo consiste en tirar o dado e buscar a casilla co número correspondente, unha vez atopado, intentamos adiviñar de que árbore procede esta folla. Se temos dúbidas, levantamos a solapa e lemos o nome da árbore.

Pásamolo xenial xogando! Moitas grazas á familia de Claudia!

ATOPAMOS NOVAS PEGADAS

Esta semana, na aula azul, apareceron novas pegadas e unha carta cunha foto dun paxaro chamado Picidae que nos propoñía un xogo para intentar adiviñar que especie de ave era.

Só vendo a foto, rapidamente soubemos que se trataba dun peto e, como queriamos ampliar a información, subimos á biblioBN para atopar fondos que nos puideran axudar na nosa investigación.
Despois, na clase, iremos completando un mural con toda a información relevante deste animal.

POSTAIS SOLIDARIAS

Como vimos facendo nos últimos anos, colaboramos co Centro Comercial Aberto de Arteixo na súa campaña por UN NADAL SOLIDARIO.
 Nela participamos os centro educativos e veciños, decorando postais que se expoñerán nos comercios para que o público e as familias as recollan a cambio de alimentos non perecedoiros. Ademáis por cada postal recollida Arteixo CCA donará 0,15 € a Cáritas para a compra de alimentos frescos.

Como este ano estamos co proxecto #somosdemonte, a decoración das nosas postais a fixemos cun elemento natural moi noso: unha rama de piñerio, e con papeis troquelados.

O primerio que fixemos foi escribir o noso nome, clase e o nome do centro.

Despois pintamos o fondo da postal utilizando a rama do piñeiro como un pincel.

Por último, troquelamos papeis diferentes e os pegamos libremente polo fondo.

THE HAUNTED HOUSE

Despois de pasar un Samaín de medo e de facer un EncontXo de teatro de sombras baseado nun libro titulado "THE HAUNTED HOUSE", no taller de arte fixemos a nosa interpretación das ilustracións do conto.

Así, entre todos os nenos e nenas do centro elaboramos as nosas propias ilustracións dándolle volta ás sobras e aos cores.

Empezamos recordando o argumento do conto, recopilando as figuras que utilizaron no teatro de sompras e facendo unha secuencia cos personaxes.

Por último ordenamos as ilustracións seguindo o argumento do conto e pintamos por riba das plantillas con axuda de rolos e esponxas.

A SILUETA DO RAPOSO

Para rematar o traballo sobre o raposo, elaboramos un mural empregando esponxas e temperas.

A sorpresa foi que, ao quitar o debuxo do raposo, descubrimos a súa silueta.

Esta vainos servir para crear máis adiante unha actividade co Aurasma. Estade atent@s!

CHLÖE XA TEN 4 ANOS!

O martes, no barrio azul, celebramos o aniversario de Chlöe. Que cumplas moitos máis!

A BIBLIOBN EN NEGRO (25 N)

ENCONTRO: DÍA DA MÚSICA

O xoves, día 22 de novembro, celebramos o Día da Música cun encontro moi especial no espazo fedelleiro.

Clicando na imaxe podedes acceder aos vídeos e fotos desta actividade.

ÁRBORES: DANIELA E VALERIA PASCUAL

Seguimos aprendendo cousas das árbores grazas aos traballos realizados en familia.

OS OLLOS DA CHUVIA

Aproveitando a poesía express desta semana, levamos a cabo unha actividade artística empregando tinta de diferentes cores e goteros.

Primeiro, fixemos un debuxo nun papel de esbozo empregando un rotulador negro e despois co gotero deixamos caer sobre el gotas de cores.

PRIMEIROS TRABALLOS DAS ÁRBORES

Xa van chegando os traballos que enviamos para casa relacionados co proxecto deste curso: #somosdemonte.

De momento, as árbores elixidas por Sofía, Erik, Rai, Claudia e Valeria Casanova foron o castiñeiro, a figueira, a cerdeira e o carballo e aprendemos cousas como que a madeira do carballo é moi boa, que a cerdeira procede do Xapón ou que a figueira foi unha das primeiras árbores cultivadas polo home e na Roma Antiga era considerada sagrada.

Moitas grazas polo voso traballo familias!

NO MES DA CIENCIA...EXPERIMENTAMOS

O luns, Truco deixounos no seu baúl uns materiais un pouco estraños que acabamos deducindo que serían para levar a cabo un experimento, xa que dentro estaba o cadro de rexistro para os experimentos que nos deixara Celsa Ferrín na súa visita á biblioBN. 

O primeiro que fixemos, seguindo os pasos do pensamento científico, foi observar e comprobamos que tiñamos todos estes materiais: 2 macetas, 2 pratos, terra, 1 regadeira, 1 pala, 1 bolsiña con lentellas e un brick de zume de laranxa.

A continuación, elaboramos hipóteses sobre o que pensamos que pode ocurrir.

Unha vez realizado e xa que este non é dos experimentos que teñen unha resolución inmediata, só nos queda ter paciencia e agardar. Todos os días seguiremos regando as dúas macetas, unha con auga e a outra con zume. 

Estade atent@s para comprobar os resultados.

Para deixar constancia de todo isto, completamos o lapbook que nos deixou Celsa rexistrando os materiais que precisamos e as hipóteses que xurdiron.

CELEBRAMOS O MAGOSTO

Que ben o pasamos na festa do Magosto!
Primeiro bailando, cantando e comendo castañas coas familias.

E, despois, participando por equipos nos xogos populares.

Moitas grazas a todas as familias pola vosa participación!

OKUPACIÓN ESCORNABÓTICA: DANIELA

Estes días o escornabot estivo na casa de Daniela quen disfrutou moito co contido da mochila e elaborou, coa axuda da súa nai, unha plantilla de árbores autóctonas dos montes galegos cunhas trampas de vermes polas que non se pode pasar.

Na clase, Daniela explicounos o modo de xogo e pasamos un rato moi entretido xogando con esta plantilla.

Moitas grazas familia!

SNOW

CHEGOU O FRÍO E, COMO NON, FÍXOO TAMÉN NA CLASE DE INGLÉS.

CÓNTANOS KATRINA QUE DURANTE ESTA SEMANA DA SÚA BOLSA MÁXICA SAIU UN CONTO TITULADO “SNOW” DE SAM USHER QUE APROVEITARON PARA TRABALLAR AS PRENDAS DE VESTIR MÁIS QUENTIÑAS (HAT, SCARF, MITTENS, SHOES) ADEMAIS DOUTRO VOCABULARIO ENMARCADO DENTRO DAS RUTINAS DIARIAS (WASH, DRESS, PUT ON, TAKE OFF) E O TEMPO ATMOSFÉRICO (HOT, COLD).

AS NENAS E NENOS XOGARON A VESTIR E DESVESTIR A MONKEY, QUEN PASOU MOITO FRÍO ESTES DÍAS, E DISFRAZÁRONSE SEGUINDO AS ORDES EN INGLÉS DAS SÚAS COMPAÑEIRAS E COMPAÑEIROS.

TAMÉN ESCOITARON E REPRESENTARON A CANCIÓN “I’M A LITTLE SNOWMAN”, E XOGARON CO ESCORNABOT CUNHA NOVA PLANTILLA BASEADA NO VOCABULARIO A TRABALLAR.

ABRACADABRA, ABRACADI, 

MAGIC FOR YOU AND MAGIC FOR ME!!

INVESTIGACIÓN: RAPOSO

Como xa vos adiantamos hai uns días, estamos recompilando información sobre os raposos que habitan nos montes galegos e para deixala rexistrada elaboramos un panel cos datos máis relevantes.

Neste mural distribuimos a información en 5 epígrafes diferentes: 

- Como é? 

- Que come?

- Onde vive? 

- As crías 

- Hábitos

Para traballar algúns destes aspectos como son: o peso e a medida, empregamos unha báscula coa que comparamos o noso peso co dos raposos e un metro para marcar a medida destes animais e comparala coa nosa.

EXPOSICIÓN SONORO EMPEÑO (AFUNDACIÓN)

Clicade na seguinte imaxe para ver as fotos e os vídeos da saída.

OKUPACIÓN ESCORNABÓTICA: ERIK

O primeiro afortunado en levar para casa a mochila do escornabot foi Erik. 

Ademais de rexistrar na libreta a súa experiencia, ler os contos, ver a peli e xogar co escorna, fixo unha plantilla chulísima.

Como o tema do proxecto é #somosdemonte Erik, coa axuda da súa familia, elaborou unha plantilla de insectos do monte coa que podemos xogar de dúas maneiras diferentes: tirando o dado e levando o escornabot ata a casilla co insecto correspondente ou sacando unha carta da baralla e comprobando o número e a palabra que aparecen nela para despois conducir ao escorna ata o bichiño.

Moitísimas grazas pola vosa implicación familia!

INICIAMOS NOVEMBRO: MES DA CIENCIA

Onte, con motivo do inicio do Mes da Ciencia, tivo lugar na biblioBN un encontro moi especial.

Clicade na imaxe para saber máis.

Tinytap: O monstro orquestra

Neste xogo do Tinytap podemos descubrir os instrumentos da canción "Monstro Orquestra" e como soan. Ademais ao final veredes os monstros musicais que construiu o alumnado do centro na semana do Samain

SAMAÍN NO CEIP GALÁN

FELICIDADES ALEXIS!

E que cumpras moitos mais!

ARTE E NATUREZA

ESTE ANO COMEZAMOS O TALLER DE ARTE DESCUBRINDO A AGUSTÍN IBARROLA E AS SÚAS INTERVENCIÓNS NA NATUREZA. OBSERVAMOS A SÚA OBRA MÁIS PRÓXIMA "O ECOESPACIO O REXO", EN ALLARIZ.

DESPOIS, DECIDIMOS PINTAR OS ELEMENTOS MÁIS SIGNIFICADOS NOS QUE PINTABA ESTE AUTOR E QUE ESTÁN AO NOSO ALCANCE: PEDRAS E PAUS, PARA FACER ENTRE TODAS AS AULAS O NOSO PROPIO ECOESAPACIO ARTÍSTICO.

 

PARA REMATAR O MES, DESCUBRIMOS COA AXUDA DOS SENTIDOS, MÁIS ELEMENTOS NATURAIS PROPIOS DO OUTONO E FIXEMOS COMPOSICIÓNS CON ELES.