FESTIVAL DE NADAL

Clicando na imaxe podedes acceder a todos os vídeos das actuacións do festival.

Os nosos animais da orquestra fixérono xenial! Agardamos que vos gustara.

Que pasedes unhas felices festas. Vémonos á volta!

ACTIVIDADES DE NADAL

Antes de marcharnos de vacacións de Nadal, estes días estivemos recibindo visitas moi importantes e facendo unhas actividades en grupo chulísimas.

O luns entregámoslle ao carteiro real as cartas coas nosas peticións para os Reis Magos de Oriente.

O martes, tivemos como sempre a poesía express, pero esta vez viña acompañada dunha sorpresa luminosa.

Unha vez que rematamos con esta experiencia multisensorial, puxémonos mans á obra para facer unha deliciosa receita de bombóns de chocolate e cereais. Clicade na imaxe para saber máis.

E hoxe, mércores, na biblioBN recibimos a visita do Apalpador que, como xa viramos no conto de "Antón e o Apalpador", vive nas montañas do Courel e na noite do 24 de decembro baixa ata as casas dos nenos/as para apalparlles a barriguiña e saber se están ben mantidos e se comen de todo e así deixarlles unha presa de castañas e un xoguete feito por el coa madeira das árbores das fragas e devesas do Courel.

E mañá agardámosvos a todos/as no festival de Nadal. Que nervios!

ENCONTRO: O MEU LUGAR FAVORITO DE GALICIA

O pasado venres, na biblioBN, tivo lugar un encontro informativo no que os nenos e nenas de 3, 4 e 5 anos puxemos en común os nosos lugares favoritos de Galicia elixidos coas familias.

Clicando na imaxe podedes acceder a información.

De momento, estes son os lugares elixidos polas familias de 3 anos. No 2º trimestre realizaremos outro encontro cos nenos e nenas que faltan.

MANUALIDADES DE NADAL

Aproveitando estas datas navideñas, estamos elaborando moitos adornos para decorar a nosa aula e o cole. Por un lado, con materiais de refugallo fixemos unhas estrelas con cartón e lás e unhas bolas con restos de papeis.

Para participar na iniciativa Nadal Solidario do Concello de Arteixo, fixemos a nosa postal empregando canicas e unha árbore deseñada coa impresora 3D. Aquí podedes ver todo o proceso.

E coa vosa colaboración fixemos unha preciosa árbore de Nadal que preside a entrada do cole chea de palabras fermosas en galego.

SAÍDA AO MUNCYT

GRAFOMOTRICIDADE CREATIVA CON HERVÉ TULLET

O outro día estivemos traballando a grafomotricidade dunha forma moi divertida e creativa. 

Primeiro, vimos o conto de Hervé Tullet "Juego de componer arte" e fomos facendo con el as nosas propias composicións e, despois, levamos todo iso ao papel.

Nun folio dinA3 había 5 puntiños, os cales tiñamos que unir mediante liñas rectas de cor negra e, unha vez feitas as liñas co pincel, pasamos a debuxar círculos de diferentes cores.

Estes foron os resultados. Estamos feitos uns artistas!

POESÍA EXPRESS E ENTREGA DE PREMIOS

Agora que chega o frío, a Poesía Express do martes estivo relacionada coa neve. Un poema precioso de Vicente Huidobro, recitado por María José coa axuda dos nenos e nenas de 5 anos.

POESIA EXPRESS VICENTE HUIDOBRO from biblio BN on Vimeo.

Ademais, na biblioBN asistimos a entrega de premios  aos participantes no II Concurso fotográfico de oficios artesanais na romaría de San Miguel.

Parabéns aos premiados!

COÑECEMOS A DOMINGO FONTÁN

Aquí tedes a información que estivemos a aprender durante todo o mes de novembro (Mes da ciencia en galego), en relación con Domingo Fontán e a súa carta xeométrica.

Ademais, para gravar este vídeo empregamos unha técnica nova: o croma. Foi divertidísimo!

FEDELLANDO COS NÚMEROS

O espazo fedelleiro estanos dando moito xogo, xa que nel aproveitamos para facer un montón de actividades divertidas coas que aprendemos cousas novas.

A semana pasada estivemos traballando cos números de diferentes maneiras: por un lado, empregamos a mesa de luz para facer o trazo do noso número de lista (fixémolo con sal e tamén colocando pedriñas de cores).

E, por outra banda, xogamos coas regletas e co escornabot (sacábamos unha tarxetiña cun número, buscábamos a regleta correspondente na caixa e, finalmente, levábamos o escornabot ata a casilla dese número).

VOLVEMOS SER NOTICIA!

Esta vez no xornal "La Voz de Galicia" do día de hoxe, na sección de Arteixo.

Clicando na imaxe podedes ler a noticia na sección dixital do xornal.

E falando da prensa, estes días estivemos a traballar moito con ela. Ademais de ver as dúas noticias nas que nós somos os protagonistas, estivemos achegándonos a este medio de comunicación, e traballamos específicamente cunha noticia relacionada cun tema que está moi de actualidade: a sequía e o baixo nivel dos embalses.

Observamos a noticia, as partes das que se compón: titular, imaxe, pé de foto, corpo da noticia..., situamos o embalse de Grandas de Salime no mapa e, despois, falamos da importancia de aforrar auga, o cal xa estamos poñendo en práctica no cole cando lavamos as mans antes da merenda.

SAÍDA AO MUSEO DE BELAS ARTES

Onte visitamos o Museo de Belas Artes de A Coruña e alí puidemos seguir aprendendo cousas novas relacionadas co noso proxecto de Galicia. No seguinte vídeo poderedes ver o ben que o pasamos adiviñando a relación que tiñan as obras de arte que nos amosaban coas palabras clave do noso proxecto: país, literatura, mitoloxía, gastronomía, arte, folclore, historia, patrimonio, natureza e lingua. E, despois, ao colocar o iPad enriba do código QR correspondente sonaba unha peza musical en galego. Fixémolo xenial!

UNHA SEMANA CON MOITAS CONMEMORACIÓNS

O mércores celebramos Santa Icía (Día da Música) cun divertido xogo creado polos nosos compañeiros/as da aula laranxa co cal identificamos algúns instrumentos galegos. Aquí o tedes por se queredes seguir practicando na casa.

Ademais, tamén recibimos a visita da nai de Artai que nos trouxo un montón de instrumentos tradicionais de Galicia e tivemos a sorte de poder probalos e escoitalos. Encantounos!

 

O venres estivemos dándolle unha "volta á igualdade" xa que o 25 de novembro conmemórase o Día contra a violencia de xénero e para iso creamos un time lapse no que enchemos o mapa de Domingo Fontán de lazos de cor morada e recibimos a visita de Ana Hermida que nos veu falar de mulleres que fixeron historia.

 

Para saber máis sobre a visita de Ana Hermida, premede na imaxe.

ANIVERSARIO DE CHLÖE

Xa só nos faltaba Chlöe por entrar no clube dos 3 anos e hoxe tivemos a súa celebración. Sopramos a vela co número 3, cantamos e degustamos un biscoito delicioso con forma de donuts que fixo na casa coa súa familia.

Parabéns Chlöe!

SAÍMOS NO XORNAL

Hoxe Truco deixounos unha sorpresa moi importante, o xornal "El ideal gallego" cunha páxina na que a noticia somos nós, os nenos e nenas da escola de Barrionovo e a nosa saída de onte á praia de Sabón.

                                                                 

                                                                                                  

SAÍDA Á PRAIA DE SABÓN

Que ben o pasamos hoxe na praia de Sabón!

SAÍDA PRAIA DE SABÓN from EEI Barrionovo on Vimeo.

A NOSA SEMANA

Aí van algunhas das actividades que realizamos ao longo desta semana.
-A MALETA:
Compartimos cos nosos compañeiros/as un obxecto significativo que trouxemos da casa e explicamos o porque desta elección. Tivemos bolsos, coches, animais... pero, sobre todo, bonecos que están con nós desde que somos bebés.
Esta actividade serviunos para sentirnos protagonistas e coñecernos todos un pouquiño mellor.

-APRENDEMOS XOGANDO:
A nosa mascota Truco deixounos unha sorpresa esta semana, un xogo novo co que poder divertirnos ao mesmo tempo que aprendemos cousiñas. Consiste en observar o patrón de cores que temos na plantilla e reproducilo na parte de abaixo coas boliñas de cores, traballando así a atención, a orientación espacial, as cores...
Encantounos!

-PLANTAMOS:
Co profe Pablo plantamos narcisos, iris e tulipáns no noso horto.

OKUPACIÓN ESCORNABÓTICA: MATEO

A semana pasada comezamos coa actividade da Okupación Escornabótica. A mochila vermella que contén o escornabot saiu do cole para "okupar" as casas dos nenos e nenas da aula azul.

O primeiro afortunado en levala foi Mateo.

Aquí podedes ver todo o que contén a mochila: escornabot, plantillas e dado para xogar, cámara de fotos e libreta para anotar a vosa experiencia, conto, CD con vídeos, folla de instruccións e unha plantilla en branco para que inventedes un xogo novo relacionado co proxecto deste curso "A volta a Galicia en 284 días".

Esta semana tócalle a Rai. Marchou contentísimo para casa coa súa mochila escornabótica!

DÍA MUNDIAL DA FILOSOFÍA

Hoxe, na BiblioBN, conmemoramos esta data que nos fixo reflexionar e saber que canto máis pensemos e nos deixemos asombrar polo que nos rodea, máis cousas imos aprender.

Se queredes ver as actividades levadas a cabo, clicade na seguinte imaxe. 

AXUDANTES NA BIBLIOBN

Esta semana tivemos un encargo moi importante como usuarios da BiblioBN: axudar a rotular as estanterías coas letras do abecedario.

Os maiores de 4 e 5 anos fixeron o deseño das letras na impresora 3D e, despois, nós axudamos a colocar estas letras na estantería correspondente. Tiñamos que estar moi atentos para identificar a letra que estabamos a buscar nunha caixiña e despois pegala no lugar axeitado.

CELEBRAMOS O MAGOSTO

Onte en Barrionovo pasámolo xenial celebrando a festa do magosto.

Moitas grazas a familia de Daniela e Valeria Pascual pola aportación das castañas e ao resto de familias por eses cestiños tan orixinais que fixestes.

O ESCORNABOT: PARTE II

Despois de moito traballo por parte de mestras e alumnos/as, por fin o noso escornabot está listo para "okupar" as casas dos nenos e nenas de 3 anos.

Neste vídeo podedes ver, de xeito resumido, cales foron os pasos levados a cabo para montar este robot.

TALLER ESCORNABÓTICO 3 AÑOS 17/18 from biblio BN on Vimeo.

MANUALIDADES DE SAMAÍN

Estes días estivemos moi atarefados preparando dúas manualidades terroríficas: unhas pantasmas con papel de xornal e unhas teas de araña.

Para facer as pantasmas no xornal, practicamos antes facendo os debuxos no encerado dixital. Saíronnos pantasmas de todas as formas e tamaños.

 E para as arañas, pintamos de laranxa un prato de cartón, despois estampamos as nosas mans coa cor negra e xa só nos quedaba pintarlles dous ollos e pasar o cordel polos buratiños.

PARABÉNS CLAUDIA

Hoxe no barrio azul tivemos un novo aniversario, esta vez tocoulle a Claudia celebrar que xa ten 3 aniños.
Moitas felicidades!

CELEBRANDO O SAMAÍN

Para celebrar o Samaín, onte fomos de visita ao Ceip Galán onde puidemos contemplar a súa enorme exposición de cabazas, visionamos unhas curtas e cancións de medo e agasalláronnos cun pin de cabaza que nos encantou.

Pasámolo xenial!

Moitas grazas!

VISITA AO SAMAÍN DO CEIP GALÁN from EEI Barrionovo on Vimeo.

Ademais, antes de marchar para casa entregamos a nosa cartilla de lecturas de Samaín completa e recibimos un marcapáxinas como premio.

Estes son os contos que lemos durante estes cinco días.

RECEITA TERRORÍFICA

O luns comezamos a semana facendo unha riquísima receita de Samaín.

No espazo fedelleiro dispuxemos de todos os elementos necesarios para a elaboración das "salchichas momia". Primeiro, anotamos os ingredientes na pizarra porta e, despois, puxémonos mans á obra.

Este foi o resultado! Clicade na imaxe para ver todo o proceso.

OFICIOS ARTESANAIS

Hoxe foi Janat a que nos trouxo información sobre un novo oficio artesanal. Neste caso, a artesana é a súa nai, Rabha, quen emprega a cerámica para facer diferentes figuras.

Como mostra Janat ensinounos unha flor, concretamente unha rosa, feita pola súa nai coa axuda de Janat e do seu irmán Saad.
Moitas grazas familia!

DÍA DA BIBLIOTECA

Hoxe, en Barrionovo, celebramos o día da Biblioteca con diversas actividades.

Se queredes saber máis, premede na seguinte imaxe.

UNHA SEMANA MOI MOVIDA

Esta semana deunos tempo a facer un montón de cousas:

-Xogamos co noso Beebot a un xogo moi divertido no que tiñamos que atopar a nosa foto e o noso nome e, a continuación, programar o robot para levalo ata a casilla correspondente.

-Levamos para casa o polbo con cachelos que fixemos en arte con María José.

-Falamos sobre un froito do outono moi típico en Galicia, como son as castañas, grazas a aportación que nos fixeron Daniela e Valeria.

-E fixemos a nosa aportación ao mural das escaleiras engadindo a Eduardo Pondal (autor do poema "Os Pinos" do cal se extrae o himno galego) e a Pascual Veiga (músico encargado de facer a melodía de dito himno).