AS FAMILIAS SEGUEN CONTANDO

Hoxe contamos coa visita de Lorena, mamá de Rai, quen nos agasallou cun fermoso conto: "Salvaje". Se premedes na imaxe, poderedes saber máis sobre esta historia.

Moitas grazas Lorena!

REPRESENTACIÓN: PEQUENO AZUL E PEQUENO AMARELO

Aquí vos deixamos o vídeo da nosa adaptación do conto "Pequeno azul e pequeno amarelo" para a mesa de luz.

Agardamos que vos guste.

DÍA INTERNACIONAL DO LIBRO 2018

Comezamos o Día do Libro reivindicando a importancia da lectura co texto de Fran Alonso, titulado "Non leas!", ao que as familias e o alumnado puxéronlle voz.

Unha vez visionado, comezamos cos "festexos" da Semana do Libro en Barrionovo.

Hoxe tocounos aos nenos e nenas do barrio azul representar un conto. O escollido foi "Pequeno azul e pequeno amarelo" que, como sabedes, é un conto que xa temos traballado e que nos encanta. Para contarlles esta historia aos nosos compañeiros de 4 e 5 anos empregamos a mesa de luz.
Clicade na imaxe para saber máis.

AFUNDACIÓN: JORGE CASTILLO. "A VISIÓN DUNHA OBRA"

Por segunda vez neste curso, visitamos Afundación para empaparnos de arte. 

Nesta ocasión, o protagonista da exposición era un artista galego, Jorge Castillo, autor dunhas fermosas obras con moitos segredos ocultos por descubrir.

Encantounos esta visita!

SEGUIMOS CONTANDO

As familias seguen a participar na iniciativa do Mes do Libro e, hoxe, contamos na biblioBN coa visita de Montse, mamá de Daniela e Valeria, quen nos relatou a divertida historia de "No lavar este oso". 

Clicando na imaxe podedes ver máis imaxes deste EncontXo.

Moitísimas grazas Montse!

HORTOBN: TOMIÑO

Continuamos actualizando o plano interactivo do noso HortoBN. 

Nesta ocasión, tocoulle o turno ás plantas aromáticas: os nenos/as da aula rosa traballaron a menta, os da aula laranxa, o romeu e na aula azul encargámonos de investigar sobre o tomiño.
O primeiro que fixemos moi plantalo, para iso fixemos un burato na terra, introducimos a planta, botámoslle terra para cubrir ben o oco e, por último, regámolo con auga.

Aquí tedes o vídeo con toda a información.

PEQUENO AZUL E PEQUENO AMARELO

Esta semana, realizamos o noso traballo coa grafomotricidade creativa empregando un conto fermosísimo titulado "Pequeno azul e pequeno amarelo" o cal serviunos para comprobar que se mesturamos dúas cores, neste caso o azul e o amarelo, obtemos unha nova cor (verde) como resultado.

Unha vez rematada a lectura do conto, manipulamos círculos azuis e amarelos na mesa de luz e observamos como se os xuntamos convértense en verdes.

 A continuación, poñémonos mans á obra neste caso coas témperas.

Finalmente, pasamos todos estes conceptos ao papel.

AS FAMILIAS CONTAN: PAPÁ DE VALERIA C.

Hoxe, na biblioBN, contamos cunha visita moi especial: Enrique, o pai de Valeria Casanova, veunos contar un fermoso conto titulado "Ratoncita y el Muro Rojo". Estivemos super atent@s a este relato que nos encantou. 

Moitísimas grazas por participar, Quique! Agardamos que vos animedes a vir os demais papis e mamis. 

Clicando na imaxe podedes ver o resto de fotografías deste EncontXo.

SKYPE COA LEOTECA (CANOSA-RUS)

Onte empregamos o Skype para realizar unha videochamada á Leoteca do Ceip Canosa-Rus de Coristanco e explicarlles o funcionamento da mochila viaxeira da "Okupación Escornabótica" e as modificacións realizadas nalgúns escornabots mediante o Arduino.

Así mesmo, eles contáronnos as súas experiencias cos escornabots.

Foi unha actividade moi enriquecedora. Moitas grazas aos nenos e nenas de Canosa-Rus e as súas mestras!

TALLER DE MATES: NÚMERO DE PÉ

Hoxe, no taller semanal adicado as mates, comezamos o traballo en relación co marabilloso conto "Crecer" de Eleonora Marton.

Nesta ocasión, descubrimos que os números están por todas partes, incluso nos nosos pés. E por iso, comezamos a investigar o número de pé de cada neno/a.

Primeiro, comparamos a simple vista.

A continuación, buscamos o número que hai en cada zapato. Comprobamos que non sempre aparece no mesmo sitio.

Unha vez feito isto, rexistramos na pizarra-porta do espazo fedelleiro o número de pé de cada un ao lado do noso nome.

Finalmente, comprobamos quen ten o número maior e, polo tanto, o pé máis grande, quen ten o máis pequeno, cantos nenos/as da clase teñen o mesmo número...

FACÉMONOS GRANDES GRAZAS AOS LIBROS

Aproveitando o lema do Día Internacional do Libro Infantil, "Os libros fan grande ao máis pequeno", quixemos aportar o noso gran de area empregando a técnica do stop motion e do croma.

                                      

Para ampliar esta información e poder ver as fotografías en tamaño grande, clicade na seguinte imaxe.

INICIAMOS AS ACTIVIDADES DO MES DO LIBRO

Xa estamos en Abril e comezamos coas primeiras actividades en relación co "Mes do Libro". 

Hoxe tivemos unha sesión dobre de contacontos.

Por unha parte, recibimos na escola a unha invitada moi especial, María, a nai de Artai, que nos contou a divertida historia de "Eu non fun".

E, máis tarde, fomos nós os visitantes na Biblioteca Miguel Sande de Pastoriza. Alí, Marisa Irimia agasallounos con dous relatos que nos encantaron. 

Clicando nas imaxes podedes ampliar o contido destas actividades.

Agardamos que as familias que poidades vos animedes a participar na lectura de contos. Faríanos moitísima ilusión!

OS NOSOS LUGARES FAVORITOS DE GALICIA (2º TRIMESTRE)

Aquí tedes os vídeos dos lugares favoritos de Galicia escollidos polas familias de Valeria Pascual, Izan e Mateo.

Neste terceiro trimestre, o sobre amarelo continuará viaxando polas casas que faltan.