O RAPOSO VULPES

Hoxe, no barrio azul, recibimos unha inesperada visita, cando subimos do recreo atopámonos cun rastro de terra e cortizas de árbore e unhas pegadas no chan ao lado dunha caixa. Dentro desta, estaba Truco, a nosa mascota, e unha carta cunha foto dun raposo e da súa cría.

A carta estaba escrita por Truco, quen nos contaba que o seu amigo Vulpes, un raposo que vive nos montes galegos, viñera ao cole de visita mentres nos estabamos no recreo e invitábanos a subir a BiblioBN para comezar a investigar cousas deste animal.

Na biblio, atopamos unha pequena revista con información moi detallada sobre os raposos e tamén fixemos unha procura na rede.

Para deixar todo isto plasmado no papel, estamos empezando a elaborar un panel informativo cos aspectos do raposo que queremos aprender. 

Estade atent@s que pronto vos iremos contando máis cousas desta investigación.