POESÍA EXPRESS

Onte, na poesía express, coñecemos un dos símbolos de Galicia, o escudo. Mediante a escoita dun poema de Manuel María, aprendemos que no escudo hai un cáliz, unha coroa e sete cruces que simbolizan os antigos sete reinos nos cales se dividía Galicia.

Premede na imaxe para ver máis.

OUTONO SENSORIAL

Este luns, no espazo fedelleiro, fomos testigos da chegada do outono a Barrionovo. A través dos versos de Rosa María Serdio fomos experimentando diferentes sensacións.

Premede na imaxe para saber máis.

ANIVERSARIO DE VALERIA CASANOVA

Hoxe celebramos o primeiro aniversario deste curso. Valeria Casanova cumpriu tres aniños e trouxo un biscoito feito na casa que estaba riquísimo. Encantounos!

Parabéns Valeria!

PRIMEIRAS ACTIVIDADES EN GRUPO

O xoves participamos por primeira vez nunha actividade grupal cos nenos e nenas das aulas laranxa e rosa. Na biblioBN tivemos o noso primeiro encontXo co Bestiario de Galicia.

Pica na imaxe para saber máis.

 E o venres foi día de EnCURTAS, para dar a benvida ao outono visionamos unha curta de Disney coa música de Antonio Vivaldi.

BIBLIOTECA E ESPAZO FEDELLEIRO

Estes días o Polo Pepe, a nosa mascota de aula, estaba un pouco aburrido na clase esperando por nós e decidiu ir facer excursións polo cole.

Un día tivemos que ir buscalo á BiblioBN onde nos agardaba cun conto moi bonito titulado "Queres xogar comigo?" que aproveitamos para que a profe Irene nolo contara e despois estivemos a mirar contos nós mesmos.

Hoxe Pepe foi de visita ao Espazo Fedelleiro e deixounos unha nota na clase para que foramos xogar con el alí. Pasámolo xenial coas pezas de madeira, saíron construccións de todo tipo: castelos, carreteiras, teclados de pianos, torres, templos...

CANTAS NOVIDADES!

Hoxe foi un día con moitas sorpresas.

Cando chegamos a clase descubrimos que xa estaban colocados nos percheiros os carteliños que fixeramos fai uns días nos que pintamos a bandeira de Galicia cun rodillo e pintura de cor azul e lles pegamos tamén a nosa foto e o noso nome.

 Despois, fomos á zona da asemblea onde había un carteliño novo coa lista de encargados/as. Hoxe tocoulle a Gad ser o maquinista do tren (primeiro da fila) e ir pasando lista para saber se estabamos todos no cole. 

Por último, tamén tivemos que atopar as nosas cadeiras. En cada una delas está posto o noso nome coa nosa foto para que saibamos onde nos temos que sentar. Buscando e buscando fomos atopando os nosos sitios.

OS LUNS...FROITA

Hoxe foi o noso primeiro día merendando no cole e fixémolo xenial. Como é luns tocounos traer froita, había de todo un pouco: mazás, plátanos, uvas, melón, mandarina... todas riquísimas.

 

DECORAMOS AS NOSAS INICIAIS

Outra das actividades que estamos a realizar durante o período de adaptación é o recoñecemento das iniciais dos nosos nomes.

Primeiro, escribimos na pizarra dixital os nomes dos nenos e nenas da clase e identificamos as letras iniciais de cada un, despois vimos un vídeo cunha canción das letras do abecedario e tiñamos que estar atentos e levantar a man cando saíra a nosa inicial e, por último, decoramos as letras con gomets de cores.

Mirade que bonitas quedaron!

PRIMEIROS DÍAS NO COLE

Só levamos tres días no cole e xa fixemos un montón de cousiñas: contamos contos, cantamos cancións, xogamos coas construccións, cos crebacabezas, coa cociña..., incluso tivemos tempo de converternos en artistas. Coa axuda dos profes Pablo e María José fixemos a nosa obra de arte empregando rodillos e témperas de moitas cores. Quedounos chulísimo!

Primeiros días

PERÍODO DE ADAPTACIÓN

Os peques de 3 anos comezamos o luns co período de adaptación e estámolo levando moi ben. Imos pouquiño a pouco, lentos pero seguros.

Aquí vos deixo un recordatorio cos horarios destes días.

 

BENVIDA

Ola familias!

Dámosvos a benvida ao noso blogue, O Barrio Azul.

Con el manterémosvos ao tanto de todas as actividades que vaiamos realizando no cole e tamén proporcionarémosvos información sobre páxinas de interese en relación cos contidos traballados.

Desexamos que vos guste!